Министерот за финансии Драган Тевдовски денеска со својот економски тим имал средба средба со претставници на Европската банка за обнова и развој (ЕБРД) предводени од Анка Јоана – Јонеску, директор на ЕБРД надлежен за Македонија.
„На средбата и двете страни се согласија дека со заеднички заложби треба да се поддржат реформите во инфраструктурата и енергетиката, а воедно да зајакне финансирањето и поддршката на малите и средни претпријатија. Македонија соработува со ЕБРД 24 години, при што одобрени се 104 проекти во вкупен износ од 1,6 милијарди евра“, соопшти Министерството за финансии.
Во моментов со заем од ЕБРД се градат проекти во вкупна вредност од 727 милиони евра, од кои 79 проценти се пласирани во инфраструктурата, 14 проценти во енергетскиот сектор, 4 проценти во финансискиот сектор и 3 проценти во индустријата, трговијата и агробизнисот.
