Малолетник во гостиварското село Зубовце вчеравечер добил повреди на показалецот, откако експлодирал куршумот што го загревал со леткум.
Како што соопшти полицијата, вчера, околу 21 часот, во куќата на неговиот дедо во Зубовце, 10-годишниот малолетник, додека бил сам во една од собите, со леткум загревал куршум од гасен пиштол во пределот на капислата, при што куршумотт пукнал и му нанел повреда на показалецот на левата рака.
Повреденото дете е пренесено во Медицински центар – Гостивар и по укажаната лекарска помош е пренесено во Клинички центар во Скопје.
