Две лица загинаа во тешка сообраќајна несреќа со мотоцикл, што синоќа се случи во близина на бензинската пумпа „Петрол компани“, на автопатот Тетово – Скопје.
Портпаролот на СВР Тетово, Марјан Јосифовски, соопшти дека загинатите се на возраст од 20 и 25 години и оти лицето што го управувало моторциклот загубило контрола, при што излетале од патот.
Увид на местото извршиле екипи на полицијата и јавен обвинител по што, како што рече Јосифовски, ќе се знаат точните причини за сообраќајката.
