![venecija](https://meta.mk/wp-content/uploads/2024/06/stijn-te-strake-ieoatkfqyto-unsplash-696x464.jpg)
Венеција денеска воведе забрана за гласни звучници и ја ограничи големината на туристичките групи на 25 луѓе во обид да го ограничи влијанието на прекумерниот туризам врз италијанскиот град, соопштија официјални лица, пренесува Би-би-си.
Претходно оваа година, Венеција воведе влезна такса од пет евра дневно, а во 2021 година го забрани приклучувањето на големите бродови за крстарење во пристаништето во градот.
Промените на правилата за туризам доаѓаат откако експертите на УНЕСКО минатата година предупредија дека Венеција може да биде додадена на листата на загрозени светско наследство, бидејќи ефектите од климатските промени и масовниот туризам се закануваат да предизвикаат неповратни промени врз градот.
Прекумерниот туризам се смета за еден од најголемите проблеми за Венеција, која има население од околу 250.000 луѓе, но забележа повеќе од 13 милиони посетители во 2019 година, со што доживеа егзодус на локалното население. Оцио, здружение на граѓани што го следи домувањето во градот, во неодамнешниот извештај констатира дека историската област има околу 49.000 легла што можат да ги изнајмат туристите, што е повеќе од бројот на располагање на локалните жители.
УНЕСКО сепак не ја додаде Венеција на листата на загрозени места на светско наследство, откако ги препозна обидите да се решат проблемите на островот преку системи против поплави и мерки за намалување на влијанието на масовниот туризам.