Партијата за демократски просперитет ја поздравува иницијативата на движењето „Беса“ за организирање сенароден марш против диктатурата, противзаконските политички притвори, забраната на слободата на мислењето, крајното осиромашување на населението, корумпирање и партизација на судскиот систем, инсталација на организираниот криминал, феномени кои се практикувани од владата на ВМРО-ДПМНЕ и на ДУИ.
„Партијата за демократски просперитет силно го поддржува изразувањето на демократската волја за уривање на диктатурите и е спремна и самата активно да придонесе на овој протестен марш, кој ќе се реализира на мирен начин и според критериумите на европската цивилизација“, стои во соопштението на партијата и се додава дека таа ќе соработува со „Беса“ за протестниот марш да биде организиран успешно.