Во првите три месеци од годинава, вкупната вредност на договорените градежни работи во странство изнесува 2.547.838.000 денари, што е за 18,2 отсто помалку во споредба со истиот период од претходната година, покажуваат податoците на Државниот завод за статистика.
Во наведениот период, градежната оператива од Република Македонија во странство извршила градежни работи во вкупна вредност од 147.748.000 денари, што е за 66,2 отсто помалку во споредба со истиот период од претходната година.
Во истиот период е забележан зголемен обем на извршените градежни работи во Албанија и во Германија, додека на другите пазари е регистриран намален обем.
