Вкупните депозити во земјава во октомври во однос на септември се намалиле за 0,3 отсто, како резултат на падот на депозитите на корпоративниот сектор, додека депозитите на домаќинствата остварија раст. Споредено на годишно ниво, пак, вкупните депозити бележат раст од 8,0%, којшто се должи на повисоките депозити на двата сектора, со поизразен придонес на секторот „домаќинства“, соопшти Народна банка на Република Северна Македонија (НБРСМ).
Во октомври 2023 година, кај вкупните кредити е забележан месечен и годишен раст од 0,3% и 5,3%, соодветно, којшто произлегува од зголемувањето на кредитите на двата сектора, со поголем придонес на секторот „домаќинства“.
