Две експлозии одекнале синоќа, една во Тетово, во близина на полициската станица, и една во Куманово, потврдуваат од полицијата.

Во експлозиите нема настрадани лица, а е причинета незначителна материјална штета.

Според привичните, неофицијлани информации од полицијата, не станува збор за рачни бомби (кашикари), туку за непознати експлозивни направи. За што станува збор ќе покаже вештачењето.

Детонацијата во Тетово, според неофицијални информации, одекнала околу 20 часот, а дошла од правец на оградата од дворот на полициската станица, додека екплозијата во Куманово се слушнала половина час подоцна, односно околу 20.30 часот.

На местото каде е активирана експлозивната направа во Тетово, според привичните информации од увидот, не се најдени шрапнели или некаков кратер од експлозијата.

Повеќе детали за случаите се очекува полицијата да соопшти во текот на денот.