Со галерија од фотографии, дополнителниот заменик министер за внатрешни работи, Митко Бојмацалиев на полноќ на социјалните мрежи се пофали дека ги пречекал новите 140.000 обрасци за пасоши.
Од фотографиите може да се види како Бојмацалиев го пречекува камионот со обрасците за пасоши на граничниот премин Богородица и се поздравува со вработените, демонстрирајќи го концептот, како што вели – „МВР за Граѓаните” на дело.
Претходно, Бојмацалиев информираше дека покрај денешната пратка од 140.000 обрасци, за многу скоро време ќе пристигне уште една пратка од 85.000 обрасци, со што бројката од 225.000 обрасци се комплетира.
„Досега се пристигнати 1.509.600 обрасци за патни исправи, а со обрасците што ќе стасаат утре и до крај на месецот ќе бидат вкупно 1.734.600. Исто така, за многу скоро време ќе пристигне уште една пратка од 85.000 обрасци. Со тоа, како што најавив, бројката од 225.000 обрасци се комплетира. Досега се пристигнати 1.509.600 обрасци за патни исправи, со овие што ќе стасаат утре и до крај на месецот ќе бидат 1.734.600”, информираше Бојмацалиев.
Тој упати и апел до сите граѓани навремено да ги поднесат своите барања за промена на своите пасоши.
