Американската амбадасорка Кејт Мари Брнз и ректорот на Универзитетот „Св. Кирил и Методиј“ (УКИМ) Никола Јанкуловски денеска го пуштија во употреба Американското катче во Скопје. Иако официјално е отворено уште во јануари 2005 година, тоа доби нови простории на Економскиот факултет при УКИМ.
Амбасадорката Брнз на Твитер напиша дека со отворањето на Американското катче се продлабочува соработката со УКИМ.
Congrats to American Corner Skopje on its new location at Ekonomski Fakultet – Skopje, expanding our partnership w/UKIM. Since 2005 @ACSkopje has offered creative programs, study in the U.S. & other resources to empower youth to build a better future. pic.twitter.com/IO0ihuZLU5
— Ambassador Kate Byrnes (@USAmbNMacedonia) November 8, 2021
„Од 2005 година, Американското катче во Скопје нуди креативни програми, студирање во САД и други ресурси кои ќе ги зацврстат младите во изградба на подобра иднина“, напиша амбасадорката Брнз.
Инаку, Американското катче досега беше лоцирано во градската библиотека „Браќа Миладиновци“ во Скопје. Тоа во сиот изминат период прерасна во препознатлива локација, која им нудеше на младите многу книги и списанија и им овозможуваше и Интернет пристап за истражувачки цели.
Американското катче низ годините организираше различни предавања, филмски и ДВД проекции, работилници, дискусии и часови за разговор на англиски јазик.
На полето на образованието, се нудат советувања за млади заинтересирани лица кои планираат да учат и студираат во САД, а истовремено тоа служи и како алумни центар, каде граѓаните на Република Северна Македонија кои биле во САД преку програма за размена имаат можност да се среќаваат и да одржуваат контакт со нивните пријатели во САД.
