Министерството за внатрешни работи ги известува граѓаните дека поради пожар кој избувна на грчка страна, во моментов е во прекин сообраќајот преку Граничниот премин Богородица. Се преземаат интензивни мерки за гасење на пожарот и по неговото гасење, повторно ќе биде овозможено преминување преку граничниот премин. Апел до сите граѓаните да не се упатуваат кон граничниот премин додека не биде објавено дека пожарот е изгаснат и сообраќајот нормализиран.
![](https://meta.mk/wp-content/uploads/2024/07/granicen-premin-bogorodica-1.png)
Пожарот избувнал пред 12 часот и гори до самиот граничен премин на излез од Грција. На камерите на Јавното претпријатие за државни патишта може да се забележи дека има пет колони на возила кои чекаат на излез од државата и не се движат.
Покрај пожарите кои веќе цела недела не се изгаснати кај Ново село и на планината Серта, сериозни пожари има и во близина на населените места Чашка, Долнени, Студенични, Зелениково и под Солунска глава. Ова го изјави утрово директорот на Центарот за управување со кризи (ЦУК), Стојанче Ангелов кој додаде дека засега нема опасност за ниту едно населено место.