MPJ thjeshtë nuk ka dhënë përkrahje për udhëtimin e zyrtarëve të BDI-së në Athinë, thonë nga ky dikaster pas njoftimit të BDI ku thuhet se vizita e kreut të partisë dhe shoqëruesve tjerë është private dhe partiake, siç ishte partiake vizita e ministrit të jashtëm Poposki.
“MPJ nuk ka dhënë kualifikime për llojin, shkakun dhe çmimin e udhëtimit pasi nuk është njoftuar më herët” thuhet në reagimin e fituar nga MPJ.
Reagimi vjen pasi sot BDI në kumtesë njoftoi se kjo nuk është hera e pare që kreu i tyre apo i zyrtarëve tjerë në Athinë e as nuk është takimi i pare i Ahmetit me ministrin e jashtëm grek.
“Në takim do të diskutohet për emrin dhe ide konkrete. Periudha e ardhshme përderisa Maqedonia ka qeveri kalimtare është koha më e mire që të bëhet progres në kontestin me emrin” thuhet në njoftimin e BDI-së.
