Në radiostacionet e Maqedonisë, prej sot nuk ka muzikë maqedonase, por as serbe.

Ndalesa për emetimin e muzikës serbe ka filluar nga mesnata e mbrëmshme, ndërkaq përpara dhjet ditëve është ndaluar edhe emetimi i muzikës maqedonase.

Përjashtim të ndalesës, Shoqata për Mbrojtjen e të Drejtave Muzikore Autoriale (SHMDMA) dhe të Organizatës së Autorëve Muzikor Serb (OAMS), njoftojnë se do të jenë mediat private, të cilat do të emitojnë emisione muzike nga Serbia, për të cilat televizionet e Maqedonisë do t’i blejnë të drejtat autoriale.

Për shkak të ndalesës së emetimit të muzikës maqedonase, këtë fundjavë nuk do të mbahet “Folk Fest Valandovo”, festivali më i vjetër i këngëve maqedonase.