Një grup i madh, kryesisht të rinj maqedonas para disa orëve kanë dalë në kundër- protestë 500 metra nga vendi ku dje vendosën kampet simptatizuesit e BDI-së me kërkesë që të shfuqizohet vendimi pë vendosjen e kryqit gjigant prej 55 metrave në Butel.
Për momentin ka prezencë të shtuar policore, e cila nuk i lejon grupit që të afrohet deri në kampin e përkoshëm te unaza.
Nga MPB informojnë se sipas vlerësimit të situatës, është vendosur numri përkatës i policëve në vendin e ngjarjes për vendosjen e rendit dhe qetësisë publike. Javën e kaluar u vendos postamenti i kryqit me nismë nga Kongresi Maqedonas Botërorë.
Kryetari i këtij Kongresi, Todor Petrov ditën e njëjtë u rrah në një restorant në Shkup. Nisma e këtillë vjen si kundër- përgjigje e vendosjes së shqiponjës dykrerëshe në komunën Çair.
