Presidenti i BE-së, Donald Tusk njoftoi sot se liderët e Eurozonës kanë arritur një marrëveshje për Greqinë. “Eurosamiti ka arritur unanimisht një marrëveshje. Të gjithë gati për programin e ESM (Mekanizmi i Emergjencës së Stabilitetit) për Greqinë, me reforma serioze dhe mbështetje financiare”, shkroi Tusk në “Twitter”. Ai do të mbajë më vonë një konferencë për shtyp për të dhënë detajet e marrëveshjes.
EuroSummit has unanimously reached agreement. All ready to go for ESM programme for #Greece with serious reforms & financial support
— Donald Tusk (@eucopresident) July 13, 2015
Ai theksoi se do të vendoset fond i posaçëm për pagesën e borxhit grek.
„Ministrat e financave urgjentisht do të bisedojnë se si t’i ndihmojnë Greqisë në afat të shkurtër për t’i mbuluar nevojat e saja financiare“, shkroi Tusk.
Finance ministers will as a matter of urgency discuss how to help #Greece meet her financial needs in the short term (bridge financing).
— Donald Tusk (@eucopresident) July 13, 2015
Shefja e FMN-së, Christine Lagarde e quajti marrëveshjen një “hap të mirë për të rindërtuar besimin”. Më herët, kryeministri i Maltës konfirmoi në “Twitter” se liderët e Bashkimit Evropian kanë arritur një marrëveshje për Greqinë. Edhe Kryeministri belg, Charles Michel ka postuar në profilin e tij, duke njoftuar se marrëveshja është arritur.
