На магистралниот пат за граничниот премин Долно Блаце бил лишен од слобода 49-годишниот И.А., соопшти Министерството за внатрешни работи (МВР).
„При преглед во возилото „фолксваген голф“ со скопски регистарски ознаки, кое осомничениот го управувал, било утврдено дека тој врши нелегален транспорт на нежигосани огревни дрва, со истечена регистрација на возилото и без важечка возачка дозвола“, соопшти МВР.
Возилото и дрвата биле одземени, а осомничениот бил приведен и предаден во Полициската станица Чаир за понатамошна постапка. По целосно документирање на случајот против него ќе биде поднесена соодветна пријава, велат од МВР.
