!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Охрид и МПЦ го чествуваат Свети Климент Охридски


Вечерва од 19.30 часот, со свечена академија што ќе се одржи во Центарот за култура „Григор Прличев“, Охрид ќе го одбележи празникот на својот заштитник – патронот свети Климент Охридски.
Беседа ќе одржи градоначалникот на Охрид, Никола Бакрачески, а ќе бидат доделени наградата и повелбата „Св. Климент Охридски – Патрон на Охрид“.

Добитник на највисокото општинско признание, наградата „Св. Климент Охридски“, оваа година е основното музичко училиште „Методи Патче“, а на повелбата добитник е олимпијката Нина Балабан.
По повод одбележувањето на денот на заштитникот на Охрид, Свети Климент Охридски, се одржуваат низа свечености.

Во 12 часот, се промовираа 80 получасовни документарни емисии за минатото на Охрид, „Охрид во моите спомени“ од Илче Стојаноски.

Во 18.30 часот, во галеријата на Центарот за култура ќе се одржи традиционалната изложба на Фото-клуб „Охрид“, а во 19 часот ќе биде отворена изложбата на домашни ликовни уметници.

Утре ќе се изврши поклонение пред моштите на свети Климент во црквата на Плаошник.
Во 11 часот, во комплексот на црквата „Св. Богородица Перивлепта“, ќе биде откриена плоча посветена на Михајло Пупин, спомен-плоча посветена на старото дрво кочеџик, а ќе се одржи и изложба на стари фотографии од комплексот на Перивлепта и од градот Охрид во периодот од 1920 до 1930 година.

Во 12.30 часот ќе се положи свежо цвеќе на споменикот на св. Климент Охридски на градскиот плоштад, а во 19 часот во Центарот за култура ќе почне свечената приредба по повод патрониот празник на основното училиште „Св.Климент Охридски“.

Во чествувањетво учествува и МПЦ. Дебарско-кичевската епархија вечерва ќе служи празнична вечерна богослужба во манастирот „Свети Климент и Пантелејмон“ – Плаошник, по повод јубилејниот празник, 1.100 години од блаженото упокојувањето на свети Климент Охридски, со која ќе
чиноначалствува дебарско-кичевскиот митрополит, г.Тимотеј.


Познати се добитниците на државната награда „Св. Климент Охридски“


Скопје, 28 ноември, 2016 - 12:11 (META) 

Фолклористот Марко Китевски е добитник на наградата „Св. Климент Охридски“ во областа на воспитанието и образованието. Награда за култура и уметност добија музичката уметница Гордана Јосифова-Неделковска, скулпторот Жарко Башески, поетесата Весна Стојчевска и театарската критичарка и публицистка Лилјана Мазова.

Оваа одлука ја донесе Одборот за доделување на државната награда „Св. Климент Охридски“ за 2016 година, за највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Македонија.


Бугарите „го освоија” Антарктикот: Историски личности од Македонија, заведени како бугарски топоними


Охрид, 12 февруари, 2016 - 12:12 (META) 

Свети Климент Охридски, свети Наум Охридски, Григор Прличев се дел од имињата на македонски историски личности што, како бугарски топоними, се одобрени од бугарската Комисија за антарктички називи и од претседателот на Република Бугарија, Плевнелиев.

– Сето тоа, без да се проверат историските факти, се меѓународно прифатени стандарди за еднозначно идентификување на географски објекти на Антарктикот – пишува порталот „Охрид прес“.

Меѓу 1.300 бугарски топоними, голем број се присвоени имиња на македонски историски личности.

На Антарктикот веќе се именувани локациите: ледените врвови Св. Климент Охридски и Св. Наум, остров Браќа Миладинови, Прличев срт, возвишение Цар Самоил, како и имињата на други познати личности од македонската историја, како Гоце Делчев, Дамјан Груев, Дедо Иљо Малешевски и други.

Во согласност со утврдената меѓународна практика, нови имиња се даваат само од држави вклучени активно во научното истражување на јужната поларна област.

За одржување на единствен меѓународен регистар на имињата на Антарктикот, каде се вклучени и бугарските топоними, одговара Научниот комитет за антарктички истражувања со седиште во Кембриџ, Велика Британија.

Бугарија е една од не многу земји во светот што организираат сопствени мисии и експедиции за истражување на Антарктикот.