!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Со нож нападнати двајца тетовци


Тетово, 20 март, 2017 - 12:39 (META) 

Двајца тетовци на возраст од 26 и од 30 години, ноќеска биле нападнати со нож, при што добиле повреди по вратот, грбот и на екстремитетите. Двајцата повредени, со возило на итна медицинска помош, биле пренесени во тетовската клиничка болница. Помладиот од нив, поради сериозноста на повредите, префрлен е во Клиничкиот центар во Скопје.

Осомничени за нападот се 34-годишен жител на Тетово и неговиот две години помлад брат. Двајцата се приведени и задржани во полициската станица во Тетово. Напаѓачите и повредените претходно физички се пресметале, а инцидентот се случил на улиците Браќа Миладинови и Благоја Тоска во Тетово.

Извршен е комплетен увид, пронајдени и подигнати се траги за вештачење, како и еден нож на расклопување.Се преземаат мерки и активности за целосно расчистување на случајот, по што ќе следува соодветен поднесок.


Пронајдени траги од експлозив кај жртвите од несреќата на „Иџипт ер“


Каиро, 15 декември, 2016 - 16:01 (META) 

Тимот што ја истражува несреќата со падот на авионот на „Иџипт ер“, која се случи во мај годинава, денеска соопштил дека на телата на жртвите биле пронајдени траги од експлозив, јавуваат светските медиуми.

Ваквите наоди ги зголемуваат сомневањата дека авионот веројатно бил намерно урнат.

Од египетското министерство за цивилна воздухопловидба денеска соопштиле дека, според законите во Египет, истрагата за случајот ќе ја преземе обвинителството, доколку истражниот комитет заклучи дека несреќата е последица на криминален акт, пренесува „Би-би-си“.

Авионот на „Иџипт ер“, кој леташе од Париз за Каиро, се урна на 19 мај, во источниот дел на Средоземно Море, а во несреќата загинаа сите 66 патници и членови на екипажот.


Евакуиран аеродром кај Стокхолм поради сомнителни траги од експлозив


Стокхолм, 10 јануари, 2016 - 13:27 (META) 

Делови од шведскиот аеродром „Скавста“, кој се наоѓа во близина на главниот град Стокхолм, утрово биле евакуирани откако при безбедносна контрола на една патна торба бил пронајден сомнителен прав, кој е можно да е од експлозив, јавуваат светските медиуми.

Според информациите, евакуирани биле излезните терминали и делот каде што се предава багажот.

Кон аеродромот, кој се наоѓа на околу 100 километри југозападно од Стокхолм, веднаш била испратена полициска единица со експерти за експлозив, кои почнале со истрагата.

Дел од шведските медиуми пренесуваат дека куферот со сомнителниот прав ѝ припаѓал на повозрасна жена.

„Патникот кој е сопственик на торбата соработува со полицијата. Немало никакви претходни закани по безбедноста на аеродромот и немаме причина да не му веруваме на патникот“, изјавиле од полицијата.

„Скавста“ е петти по големина аеродром во Шведска, на кој слетуваат, главно, авиони на нискобуџетни компании и товарни авиони.