ShGM kërkon që kryeministri Nikolla Gruevski, ministrja e punëve të brendshme Gordana Jankullovska dhe drejtori i DBK-së, Sasho Mijallkov të japin dorëheqje pavarësisht se kush i ka porositur përgjimet e qytetarëve dhe gazetarëve.
“Ky keqpërdorim patjetër të ndërpritet dhe të sanksionohet. Mënyra e vetme për daljen nga kjo situatë absurd është vendosja e një sistemi të ri medial dhe mekanizma të reja të kontrollit të sistemit politik , që do të garantojë pavarësi dhe liri të mediumeve dhe do të ndalohet keqpërdorimi i tyre në të ardhmen”, thotë kryetari i ShGM-së, Naser Selmani.
Ai thotë se ata janë të detyruar që të ndalojnë një keqpërdorim të tillë masiv të shkeljeve të të drejtave kushtetuese ndërsa largimi i tyre nga funksionet do të ndihmonte që të ndriçohej i gjithë rasti.
Gazetarët që kanë qenë të përgjuar dhe që morën dosjet me bisedat e transkriptuara paralajmëruan ngritje padish. Nga ShGM-ja thanë se do të konsultohen me juristë për procedimin e mëtejshëm të këtyre rasteve.
“Përgjimi i gazetarëve komprometon sistemin medial në Maqedoni dhe i prezanton ata si krejtësisht të korruptuar dhe krejtësisht të varura nga politika”, deklaroi Naser Selmani.
