Grupet e punës të partive politike për reforma në mediume sot do të tentojnë të afrohen lidhur me këto çështje. Ndërmjetësi belg Piter Vanhaute para fillimit të takimit në Klubin e deputetëve tha se shpreson në progres.
“Të gjitha partitë dorëzuan amendamente të reja dhe sot do të bisedojmë për këtë. Mendoj se është mirë që të gjithë u pajtuan për takim dhe të gjithë dorëzuan amendamente” tha ndërmjetësi.
Ai shtoi se disa nga amendamentet janë për anëtarë nga ligji që deri më tani nuk kanë qenë në bisedë.
Takimi i fundit i grupeve të punës u mbajt të enjten ndërsa bisedimet ngecën nga e premtja e deri më sot, pasi në takimet bilaterale me ndërmjetësin belg Vanhoute, negociatorët ia kanë përsëritur linjat e kuqe prej të cilave nuk heqin dorë.
