Rade Sherbexhia nesër arrin për festivalin “Vëllezërit Manaki”


Manastir, 9 Shtator, 2016 - 13:56 (META) 

Manastiri po i bën përgatitjet e fundit për hapjen e nesërme solemne të edicionit të 37-të të festivalit ndërkombëtar të kamerës filmike “Vëllezërit Manaki”.

Tepihu i kuq para Qendrës së kulturës pritet të shtrohet nesër ndërsa në të do të defilojnë të gjithë kinematografët e famshëm, aktorë dhe dashamirë të filmit maqedonas dhe botërorë.

Nesër në Manastir pritet të arrijë aktori dhe regjisori i madh Rade Sherbexhia i cili në hapjen- gala të premierës së filmit “Çlirimi i Shkupit” do të vijë me bashkëshorten dhe vajzën.

Zëdhënësja e festivalit Aleksandra Bubevska thotë se një pjesë e madhe e mysafirëve të festivalit kanë mbërritur në Manastir ndërsa rrallë si këtë vit, “Manaki” do ta ndjekin më shumë se 100 gazetarë nga Maqedonia dhe bota.

“Kemi akredituar numër të madh të gazetarëve vendor dhe të huaj që do ta ndjekin festivalin. Kemi ekipe të shumtë nga Sllovenia, Greqia, Franca, B e H dhe Serbia. Atmosfera e festivalit ka filluar të ndjehet, po punohet me avaz të shpejtë dhe me adrenalinë pasi po bëhen përgatitjet e fundit” thotë Bubevska.


Hulumtuam: Secili mund të blejë numër të pakufizuar të pripejd-kartelave


Shkup, 14 Nëntor, 2014 - 15:38 (META) 

Në të tre operatorët celularë nuk ka kufizime të veçanta për numrin e kartelave pripejd të cilat mund t’i ketë një person juridik apo fizik.
Pas skandalit rreth kurdisjeve në festivalin “Shkupi 2014”, në të cilin u arrestuan disa veta, të cilët shfrytëzuan rreth 2500 SIM kartela, Agjencia “Meta” hulumtoi se a ka ndonjë kufizim lidhur me numrin e pripejd kartelave që mund t’i ketë një person fizik apo kompani.
Në sallonet e shitjes të të tre operatorëve në vend, pripejd kartelë mund të blejë secili i cili do të paraqesë vetëm letërnjoftim, pasaportë apo leje për vozitje. Në sallonin e shitjes së “T-mobile” na thane se mund të jepen tre kartela pripejd një personi fizik, ndërsa nëse shfaqet nevoja edhe më tepër, u duhet leje e veçantë nga shefi i sallonit e cila, megjithatë, nuk është problem të merret. Në emër të personit juridik, mund të blihen edhe deri 10 kartela përnjëherësh, ndërsa për numër më të madh, gjithashtu, nevojitet leje. Nga “One” për pripejd kartelat nuk kanë kufizime as për personat fizikë as për personat juridikë. Operatori “Vip” ka kufizime deri në 5 numra për një person, por edhe ky kufizim mund të tejkalohet.
-Politika e ndërmarrjes lejon që një shfrytëzues të ketë deri në pesë kartela në emër të tij. Por nëse nevojiten më shumë, patjetër duhet të kërkojmë leje nga organet më të larta të ndërmarrjes. Procedura e njëjtë është edhe kur ka të bëjë me persona juridikë -thonë në sallonin e shitjes së “Vip”


Policia kontrollon të dyshuarit a kanë kurdisur edhe festivale të tjera


Shkup, 13 Nëntor, 2014 - 14:48 (META) 

Policia në bisedë thirri edhe 4 të dyshuar të tjerë kanë kurdisur edhe festivale të tjera
Polica thirri katër të dyshuarit në bisedë informative, me dyshimin se ilegalisht kanë sulmuar sistemin telefonik të votimit në votimin e mbrëmshëm të “Festivalit të Shkupit”, deklaruan në konferencën për shtyp të MPB-së.
Në bisedë informative, siç informojnë nga MPB-ja janë thirrur pronarët e kompanisë organizatore e votimit telefonik dhe një shtëpie produksioni edhe dy tjerë. Njëri prej tyre për policinë është i pakapshëm. Ata janë me moshë prej 26- 56 vjeç.
Nga MPB-ja, sipas të dhënave paraprake, kanë lajmëruar Prokurorin Publik me urdhër, sot në mëngjes në dy banesa kanë zbuluar 14 të mitur të cilëve iu kanë konfiskuar 2500 sim kartela, po hetohet edhe përfshirja eventuale edhe të personave të tjerë, si dhe përfshirja të dyshuarve edhe në festivale të tjera.