Најмалку седум експлозии во рок од 10 минути одекнале вчера во предградие во Дијарбекир, еден најголемите градови во југоисточниот дел на Турција, населен претежно со курдско население, јавуваат светските агенции.
Експлозиите го потресле предградието Сур, а засега нема информации за загинати и за повредени лица, како и за тоа кој стои зад нападите.
Дијарбекир, инаку, важи за неофицијален главен град на турските Курди.
Турските безбедносни сили, пред неколку месеци, воведоа полициски час во градот, како и во други места на југоистокот на Турција.