Бројот на загинати во силната експолозија во складиштето со опасен материјал во кинескиот град Тианјин се зголеми на 44, додека повредени се повеќе од 500 лица, јави утрово кинеската новинска агенција „Синхуа“.
Полицијата во Тианјин соопштила дека почетната експлозија ја предизвикала пратка во еден од магацините, а дека раковдството на компанијата е приведено.
Околните населби на третиот по големина град во Кина останале и без електрична енергија.
Кинескиот претседател Си Џинмпинг апелираше да се вложи максимален напор да се спасат што повеќе луѓе и што побргу да се изгасне пожарот.
Тианјин е главно пристаниште во индустриско подрачје источно од Пекинг.