Авганистанските власти денеска соопштија дека најмалку 20 лица загинале, а десетици се повредени во експлозија на автомобил бомба пред банка во јужната авганистанска провинција Хелманда.
Како што пренесуваат агенциите, по експлозијата, вооружени напаѓачи влегле во банката, по што дошло до престрелка со обезбедувањето.
Според извештаите, меѓу жртвите има цивили и припадници на обезбедувањето на банката.
Одговорноста за нападот сè уште не ја презел никој, иако талибанците и милитантите на Исламска држава претходните месеци извршија неколку слични напади.