Вицепремиерот за европски прашања Бујар Османи неделава ќе престојува во неколкудневна работна посета на Вашингтон, во рамките на која ќе учествува и на традиционалниот молитвен појадок во организација на американскиот претседател, Доналд Трамп.
Покрај тоа, предвидени се средби со луѓе од Белата Куќа, од Стејт Департментот, меѓу кои и со заменик помошникот државен секретар на САД за Европа и Евроазија, Метју Палмер, како и со Вилијам Беркли, директор за НАТО и Европски прашања во Националниот Совет за Безбедност при администрацијата на Белата куќа.
Во Конгресот, каде Османи ќе има средби со конгресмени и сенатори, а ќе учествува и и на тркалезната маса на „Германскиот Маршалов Фонд“, при што ќе зборува за следните чекори на Македонија кон ЕУ и НАТО.
Вицепремиерот ќе се сретне и со високи претставници на Меѓународниот Републикански Институт (ИРИ) и Демократскиот Национален Институт (НДИ).