Свет Балкан Во Албанија поплавени големи земјоделски површини

Во Албанија поплавени големи земјоделски површини

Поројниот дожд што во Албанија врне во последните два дена, предизвика поплави во повеќе области во земјата, јавуваат албанските медиуми.

Според пишувањето на медиумите, големи површини земјоделско земјиште се под вода бидејќи повеќе реки во северниот и во централниот дел на Албанија се излеани од коритата.

Во Тирана реката Лана е излеана од коритото, а десетина села во североисточниот дел од земјата веќе имаат проблеми со поплавените патни правци што ги поврзуваат со градовите.

Министерот за земјоделство, Едмонд Панарити, изјави дека состојбата со поплавите е најтешка во градот Лежа и во неговата околина. Според него, се преземаат сите мерки за поплавите и штетите да бидат што помали.