Претседателот на САД, Доналд Трамп, вчера го посети седиштето на американската Централна разузнавачка агенција (ЦИА) во Ленгли, Вирџинија, при што истакна дека целосно ја поддржува агенцијата и им порача на вработените дека е „со нив илјада отсто“.
Според светските медиумите, обраќањето на Трамп во седиштето на ЦИА, на првиот ден по преземањето на должноста претседател, се толкува како негов обид да ги отстрани оградите кои беа подгигнати откако јавно ги отфрли наводите на разузнавачката агенција дека Русија се обидела да му помогне да ги добие изборите.
Тој жестоко ја критикуваше ЦИА и по написите во медиумите минатата недела во врска со непотврденото разузнавачко досие според кое Кремљ поседува компромитирачки материјал за Трамп од неговата посета на Москва.
Трамп тогаш ги обвини разузнавачките служби дека дозволиле да протечат „лажните вести“.
Сепак, за време на вчерашната посета, тој на вработените во ЦИА им рече дека се посебни и прекрасни луѓе и дека стои зад нив.