Големиот протест вчера вечер што се одржа во Атина мина во знакот на судири на некои демонстранти со полицијата, при што се користеше и солзавец. Околу 7.000 луѓе се собраа вчера во центарот на главниот град на Грција за да протестираат против задолжителната вакцинација против ковид-19 на здравствените работници. Од среда, оние здравствени работници што не се вакцинирани барем еднаш, ќе бидат суспендирани.
Демонстрантите носеа национални знамиња и транспаренти „Ние не сме против вакцините, но ние сме против фашизмот“ или „Да живее демократијата“.
На крајот на протестот, група млади почнаа да фрлаат со шишиња, петарди и молотови коктели кон полицијата. Полицијата одговори со солзавец, шок бомби и водени топови.
#ανεμβολιαστοι #εμβολιασμενοι #εμβολιασμος #ΕΜΒΟΛΙΑΣΜΟΙ #κορωνοιος #Εμβολιο #ΝΔ #Μητσοτακης #κρουσματα #Συνταγμα #μητσοτακη_παραιτησου #ΜΜΕ #ανασχηματισμος
ΕΠΕΙΣΟΔΙΑ ΑΥΤΗ ΤΗΝ ΩΡΑ ΣΤΟ ΣΥΝΤΑΓΜΑ ! pic.twitter.com/79O0Zi3PrB— Ωρα για poll (@poll64376196) August 29, 2021
Вчера Грција регистрираше речиси 1.600 нови случаи на ковид-19. Земјата има 10,36 милиони жители.