Partia në pushtet refuzon Prokurori Special të formoj ekip të vetin me të cilin do të punonte, shkruan “Nova”.
Portali shkruan se të paktën 10 prokuror nevojiten në ekipin e prokurorit special sepse me siguri do të ketë nevojë për ngritjen e veprimeve hetuese edhe në vende të huaja. Nëse ky prokuror është i vetëm me siguri nuk do të mund të kryej asnjë punë pa ekipin e tij dhe do të jetë i mbyllur në zyre.
Jo zyrtarisht VMRO DPMNE-ja nuk po pranon as propozimin e Brukselit, që Prokurori Special të vendosë vetë për ekipin e prokurorëve dhe bashkëpunëtorëve të tij. Bisedimet kanë vazhduar sërish sot rreth propozim/ligjit të dorëzuar dje nga Van Haute. Partitë kanë dorëzuar mbrëmë edhe propozimet e tyre për emrin e prokurorit, por nuk është hapur diskutim rreth emrave konkret.
Dje lehtësuesi belg, Piter Van Haute para fillimit të bisedimeve mes katër partive politike nënshkruese të Marrëveshjes së Przhinos, për emërimin e prokurorit special publik tha se “një prej partive më të mëdha politike nuk i përmbahet asaj që është arritur si marrëveshje dhe nuk respekton afate finale, që është e papranueshme në mbajtjen e bisedimeve dhe arritjen e marrëveshjes finale”.