Qetë përfundoi edhe protesta e sotme e qytetarëve të cilët kërkuan dorëheqjen e presidentit Gjorgje Ivanov dhe tërheqjen e vendimit për falje.
Destinacioni final i protestuesve edhe sot ishte para Qeverisë, por këtë herë nuk hodhën ngjyrë, por vetëm brohoritnin “Nuk e ke larg burgun Nikolla”, “Mafia në robëri”, “Dorëheqje” dhe “Do të jepni llogari”…
Disa protestues vizatuan yll në trotuar ku shruante “Ne jemi ylli laraman i BE-së”.
Qytetarët, si zakonisht protestën e filluan para PSP-së dhe pasi dhanë mbështetjen e tyre për punën që e bëjnë, u drejtuan kah godina e re e Agjencisë për audio dhe shërbime audio vizuale dhe Agjencina e rinisë dhe sportit.
Para objektit hodhën topa me ngjyrë ku paralajmëruan “Revolucionin e larmishëm”, që simbolikisht do të thotë se “Maqedonia po ngjyroset me liri dhe demokraci”.