Во текот на изминатото деноноќие на територијата на државата, Министерството за внатрешни работи регистрирало 391 прекршок по однос на мерката за неносење лична заштита на лице.
Од почетокот на месецов досега евидентирани се вкупно 4.481 прекршоци по овој основ. Секојдневните бројки на новозаразени случаи со ковид-19 и натаму се троцифрени, а активни случаи има најмногу во Скопје.
Институтот за јавно здравје во последниот неделен извештај за периодот од 31 август до 6 септември регистрирал зголемување од 18,9 проценти на бројот на новозаболени лица во текот на оваа недела споредено со претходните седум дена од крајот на август.
„Мета.мк“ и претходно објави за бројот на направени прекршоци од страна на граѓаните во текот на летото, кога се регистрирани вкупно 43.928 прекршоци за неносење заштитна маска на лицето.