Турското обвинителство побара притвор за 73 пилоти од воздухопловните сили, што е последна во низата акции поврзани со истрагата за неуспешниот воен удар извршен во јули годинава.
На мета се најдоа приврзаниците на имамот Фетулах Ѓулен и воздухопловната база во централната турска провинција Коња и уште во 17 провинции.
Тие се обвинети за вооружена буна против Турција.
Анкара го обвини Ѓулен, кој живее во егзил во САД, за организирање на пучот, а тој го негира тоа.
Други медиуми во Турција најавуваат дека во текот на денот ќе бидат уапсени повеќе од 200 војници и цивили.
Од неуспешниот пуч на 15 јули, во Турција се уапсени 35.000 лица и отпуштени или суспендирани се повеќе од 100.000 лица во јавната администрација, правосудството, полицијата и во војската.