Најмалку 23 цивили вчера загинале во бомбардирање на јеменскиот пристанишен град Ходеида, што го извршила коалцијата предводена од Саудиска Арабија, соопштиле безбедносни претставници на Јемен и очевидци, јавуваат светските агенции.
Според нивните тврдења во воздушните напади биле повредени осум луѓе.
Меѓународната организација за човекови права ја обвини арапската коалиција дека бомбардира места каде се собираат цивили – пазари, болници, станбени подрачја ширум Јемен, откако во 2015 година ја почна интервенцијата против Хутите.
Во граѓанската војна во Јемен досега загинаа повеќе од 10.000 цивили.