Сенаторите Тед Круз и Берни Сандерс освоиле значаjни победи на синоќешната нова серија на републикански и на демократски партиски избори за претседателска номинација на САД. Но, Доналд Трамп и Хилари Клинтон го зајакнале својот статус на фаворити.
На изборите во четири сојузни држави во САД, Доналд Трамп и Тед Круз оствариле по две победи, додека Берни Сандерс ја победил Хилари Клинтон со 2:1.
Следната серија за внатрепартиско гласање за номинација за претседател е предвидена за следниот вторник во Мичиген, Мисисипи, Ајдахо и на Хаваи, пред новиот „супер вторник“ на 15 март, кога покрај Флорида, „во игра“ ќе бидат и уште четири големи држави.