Шест лица загинаа, а неколку се ранети во тепачка во затворот во Гватемала, јавуваат властите.
Заменик-министерот за внатрешни работи, Елмер Соса, рече дека полицијата и војската интервенирала по инцидентот и ги осигурала другите затвореници.
Портпаролот на затворскиот систем, Руди Ескивел, рече дека е потврдена смртта на шест затвореници.
Според него, предвидено е во затворот да издржуваат казна 600 лица, а во моментот на судирот имало повеќе од 3.000. Тој рекол дека тепачката избила меѓу припадници на две банди и затвореници кои не припаѓаат во ниедна група.