По одложувањето на продажбата на еврообврзницата од 650 милиони евра, таа вторпат е понудена на продажба, јавува „Ројтерс.“
Пред пет дена, Македонија го одложи издавањето на седумгодишната еврообврзница откако член на опозицискиот СДСМ преку писмо до банките гаранти ја оспори легалноста на постапката.
Во писмото било наведено дека земјава нема соодветен правен механизам за издавање на еврообврзницата и доколку се издаде, можно е да се прекршат одредени закони и правила во Македонија.
Опозицијата го поздрави одложувањето, но и предупреди дека опасноста од „финансиско злосторство“, односно повторна продажба останува.