Видео Седумнаесет загинати и десетици повредени во експлозии на аеродромот во Брисел

Седумнаесет загинати и десетици повредени во експлозии на аеродромот во Брисел

Најмалку 17 лица загинаа, а десетици се ранети во двете експлозии што утринава одекнаа на бриселскиот аеродром „Завентем“, јавува „Раша тудеј“.

На сликите што се шират на социјалните мрежи се гледа густ чад како се издигнува од една од аеродромските згради.

Белгиски владини извори јавуваат дека станува збор за напад, а портпаролката на белгискиот аеродром, Анке Франсен, изјави дека има повеќе повредени.

– Можеме да потврдиме дека имаше две експлозии во халата за полетување. Ги повикавме итните служби и тие им укажуваат прва помош на повредените – вели Франсен.

Аеродромот во моментов е затворен, а последниот лет бил во 7.55 часот кон Мадрид.

Се претпоставува дека имало една или повеќе експлозии. Се врши евакуација на лицата од аеродромот. Наводно, експлозијата се случила во близина на местото каде што се регистрираат патниците од САД. Пред само четири дена во Белгија е уапсен Салах Абдеслам, последниот преживеан напаѓач од Париз. По неговото апсење дополнително се зголемени мерките на безбедност бидејќи се претпоставувало дека може да дојде до одмазднички напади.

ПОВРЗАНИ НАПИСИ

Момче доби притвор откако тепал полицаец

Македонија

Петнаесет работници лани загинале на работните места

Македонија

Kaмерон: Израел одлучи да дејствува по нападот на Иран

Подглавна секција

Освен ако е изрично наведено поинаку, содржините на Мета.мк се заштитени со лиценцата Криејтив комонс "Наведи извор - Некомерцијално 2.5"