Еврокомесарот Јоханес Хан изјавил дека во Албанија не е доволно само да се донесуваат закони, туку преку конкретни дела да се покаже дека се спроведуваат реформите во правосудството, јавува дописничката на „Мета“ од Албанија.
Хан, исто така, посочил дека политичарите и функционерите треба да бидат казнети ако се вмешани во корупција.
Еврокомесарот истакнал дека потребно е да се провери функционалноста на институциите во Албанија и нивните демократски капацитети, пред да бидат отворени поглавјата 23 и 24 кои се однесуваат на реформи во правосудството, слобода на медиумите и на човековите права.
Овој период за имплементација на судските реформи бил од клучно значење и претставува тест за земјите кандидатки за членство во ЕУ.