Сите училишта во Лос Анџелес се затворени поради неидентификувани терористички закани.
Светските агенции јавуваат дека 634.000 ученици се вратени дома за истражителите да можат да пребараат повеќе од 1.200 основни и средни училишта.
Портпаролката на одделот за образование, Елен Морган, ја објави одлуката, но не откри повеќе детали.
Округот во кој школите се затворени, покрај Лос Анџелес, опфаќа и 30 помали населби.
Заканите доаѓаат само неколку недели по нападот во Сан Бернандино, на околу 100 километри источно од Лос Анџелес, при што беа убиени 14 лица.