Претседателот на СДСМ, Зоран Заев, денеска се сретнал со амбасадорот на Кина во Македонија, Зеншун Вен.
На средбата се разговарало за актуелната политичка ситуација во Македонија и за продлабочување на односите на Македонија со Кина.
– Сите политички субјекти во Македонија и претставниците на меѓународната заедница се свесни дека се пробиени законските рокови за клучни обврски од Договорот во Пржино, прочистувањето на избирачкиот список и регулација на медиумите. Очекуваме независната институција задолжена списокот, Државната изборна комисија, наскоро да излезе со процена на роковите потребни за ефективно и квалитетно прочистување на избирачкиот список. СДСМ е одлучен за доследно спроведување на Договорот од Прижино. Неопходни се фери и регуларни избори во Македононија, за што мора да се обезбедат доверлив избирачки список и минимум услови за објективно известување од медиумите – рекол Заев.