Согласно податоците од Институтот за јавно здравје, Министерството за здравство информира дека во периодот од 29.07 до 31.07.2022 година направени се 2.631 тестови, а регистриран е 1.171 нов случај на ковид-19, и тоа најмногу во: Скопје – 485, Битола – 87, Кавадарци – 78, Прилеп – 61, Куманово – 60 и Охрид – 51.
Од вкупниот број на позитивни случаи на ковид-19 (1.171), регистрирани се 275 реинфекции.
Регистрирани сe 1.390 оздравени пациенти од ковид-19 во изминативе три дена.
Во текот на изминатите 3 дена (29.07-31.07.2022) пријавени се 3 починати лица од: Скопје (75г, 80г и 83г). Сите лица се починати во болнички услови.
Досега во земјата се направени вкупно 2.118.638 тестирање на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 328.180, бројот на оздравени пациенти е 313.833, на починати е 9.373, а бројот на активни случаи на ковид-19 во моментов изнесува 4.974.