„СДС е најодговорен за тоа што се случи во собраниската сала. СДС спроведе политичко насилство со газењето на Уставот, законите и на деловникот. Тоа е директно газење на државата и на нејзиниот правен поредок“, се вели во реакцијата на ВМРО-ДПМНЕ на изјавата на портпаролот на СДСМ, Петре Шилегов.
„Политичкото насилство што го направи СДС на крајот резултира со физичко насилство. Незаконскиот обид од страна на СДС да си го самопрогласат Талат Џафери за парапретседател на Собранието беше провокација кон македонскиот народ. Нема оправдување за ниедно насилство, но СДС ќе биде запаметен во историјата како главен виновник за немилите случувања во Собранието на Република Македонија“, велат од ВМРО-ДПМНЕ.
Од партијата додаваат дека СДСМ мора да сфати дека народот си ја сака земјата и нема да дозволи нејзино разнебитување.