Од пребројани 566.779 гласови, според неофицијалните резултати од веб-страницата на Државната изборна комисија, ВМРО-ДПМНЕ освоиле 229.428 гласови (40,48 проценти), а СДСМ 206.075 (36,36 проценти).
Од албанските партии, ДУИ освоила 38.985 гласови, Беса – 23.049, а Алијанса за Албанците – 15.261 глас.
Станува збор за резултати од 2.053 од вкупно 3.524 избирачки места.
Бројките на веб-страницата постојано се менуваат, а официјалните податоци, Државната изборна комисија се очекува да ги објави на полноќ.