Турските власти денеска соопштија дека нивни борбени авиони собориле неидентификувано летало што го нарушило воздушниот простор на земјата, близу границата со Сирија, јавува „Би-Би-Си“.
Според медиумските извештаи, во кои се цитираат изјави на турски официјални лица, станувало збор за беспилотно летало, но повеќе детали за случајот засега не се соопштуваат.
Инаку, како што е познато, покрај сириската влада, со беспилотни летала оперираат и силите на коалицијата предводена од Соединетите Американски Држави (САД) и тие на Русија.
Од војската на Турција соопштиле дека леталото забележано во близина на границата било трипати предупредено пред да биде соборено.