Извесниот републикански кандидат за претседателските избори во САД, Доналд Трамп, изјави дека веќе нема да им издава акредитации на новинарите на „Вашингтон пост“.
Тој им забрани на претставниците на весникот да бидат во деловите предвидени за новинарите на неговите митинзи за време на кампањата.
„Со оглед на неверојатното неточно покривање и известување од кампањата на Трамп, ги укинуваме новинарските акредитации за лажниот и нечесен „Вашингтон пост“, напиша Трамп на „Фејсбук“.
Еден од најтиражните весници во САД, „Вашингтон пост“, ангажираше цел тим новинари за да напишат книга за Трамп која треба да биде објавена на крајот од годинава.