Неколку стотици жители на Лос Анџелес се евакуирани поради шумските пожари што зафатија повеќе од 20 квадратни километри во близина на градот, јавуваат американските медиуми.
Поради огнената стихија која беснее на околу 40 километри од Лос Анџелес, 750 жители од загрозените подрачја биле принудени да ги напуштат своите домови.
Во пожарите засега нема жртви, но властите предупредуваат дека најлошото допрва доаѓа.
Двата пожари, наречени Азуса и Дуарте, според истоимените градови, се на оддалеченост на само два километри еден од друг и постои опасност, поради високата температура и силниот ветер, тие да се спојат.
Во неколку пожари во последните неколку дена, изгореа повеќе од 80 квадратни километри шума во јужниот дел на Калифорнија.