Меѓународниот договор околу иранската нуклеарна програма, кој на 14 јули оваа година, во Виена, го постигнаа Иран и групата пет постојани членки на Советот за безбедност на ОН (Кина, Русија, САД, Франција и Велика Британија) плус Германија, од денеска стапува на сила.
Со усвојувањето на договорот, сега сите инволвирани земји треба да почнат со реализација на преземените обврски.
Според договорот, пренесува „Раша тудеј“, Иран треба да се ослободи со своите резерви на средно збогатен ураниум, да ги намали резервите со ниско збогатен ураниум за 98 отсто и да го редуцира за две третини бројот на центрифуги во наредните 15 години.
Од друга страна, во согласност со договореното, за возврат Соединетите американски држави (САД), Европската унија (ЕУ) и Советот за безбедност на Обединетите нации треба да ги ублажат санкциите кон Иран.