Северна Кореја тестирала нов ракетен мотор кој би можел да се користи за интерконтинентална балистичка ракета, изјавил доцна синоќа неименуван американски функционер, јавуваат светските агенции.
„Ракетниот мотор е тестиран во четвртокот“, рекол за агенциите функционерот, но не изнел други детали.
Шефот на американската дипломатија, Рекс Тилерсон, побарал во средата од Кина, која е единстевниот сојузник на Северна Кореја, да изврши дополнителен притисок врз Пјонгјанг за да ги прекине нуклеарните и балистичките проби.
Тилерсон изјавил дека Северна Кореја претставува „прва безбедносна закана за САД“.
Од почетокот на 2016 година, Северна Кореја спроведе повеќе десетици ракетни и нуклеарни проби.