Сомалиската полиција соопшти дека во експлозија на автомобил бомба во Могадишу загинаа седум лица, а неколку се повредени.
Автомобил бомба експлодира пред еден ресторан во престолнината на Сомалија, во близина на Министерството за внатрешни работи, младина и спорт.
Засега никој не ја презема одговорноста за бомбашкиот напад, но познато е дека терористичката група Ал шабаб, која е блиска до Ал каеда, често организира вакви бомбашки напади.