СДСМ во кратко соопштение денеска извести со Движењето Беса не успеале да постигнат договор околу некои прашања, но дека оставаат отворени врати за соработка околу реформите.
„Известуваме, во врска со преговорите со партијата Беса, дека покрај тоа што се согласивме дека ја споделуваме определбата за итни реформи за демократски и европски развој на Македонија, за одреден дел прашања не постигнавме договор. Оставаме отворени врати за соработка околу поддршка на реформите што престојат во Република Македонија, како и за се друго од заеднички интерес за сите граѓани на нашата земја“, велат од СДСМ.
Движењето Беса денеска има седница на партиското раководство, а прес-конференција за донесените одлуки најавија во 15 часот.